Астанада танымал кәріс жұлдыздары өнер көрсетті

Астанада Корея апталығы аясында атақты «K-Culture Party» концерті өтті деп хабарлайды Qamshy.kz ақпарат агенттігі ҚазАқпаратқа сілтеме жасай отырып. «K-Culture Party» концерті әдеттегі шараның шеңберінен шығып, екі елдің жоғары деңгейдегі мәдени алмасудың алаңына айналды. Концерт аясында «AOA», «B1A4», «HIGHLIGHT» атақты кәріс әртістерімен қатар қазақстандық «Ninety One» тобы өнер көрсетті.

«Соңғы кездері Қазақстанда корея мәдениеті аса танымалдыққа ие болып келеді. Осыған байланысты, ЭКСПО аясында K-POP концертін өткізуді ұйымдастырды. Менің ойымша, бұл шара екі елдің мәдени достығының символы болады», - деді Корея Республикасының Сауда, өнеркәсіп және энергетика министрлігінің тұрақты комиссары Ким Ёнг Сам.