Астанада менингитке шалдықты деген күдікпен 2 жастағы бала ауруханаға түсті

Астанада менингококк инфекциясын жұқтырды деген күдікпен жансақтау бөліміне екі жастағы бала жеткізілді. Ақпаратты Астана қаласының денсаулық сақтау басқармасының бастығы Нұрқан Сәдуақасов растады. Бұл жайында Tengrinews хабарлайды.

— Екі жастағы бала менингококктық инфекция жұқтырды  деген күдікпен ауруханаға түсті. Талдау нәтижелерін күтіп отырмыз. Денесінде бөртпе жоқ, бірақ жансақтау бөлімінде жатыр. Баланың жағдайына байланысты ештеңе айта алмаймын, - деді Сәдуақасов.

Бала Ақмола облысының Аршалы ауданында ұзақ уақыт тұрған.

«Баламен тек  ата-анасы ғана байланысқа түскен», - деді Н. Сәдуақасов.