Арман Оспановтың нокауты 2017 жылдың үздігі деп танылды

Қазақстандық ММА шебері Арман Оспанов 2017 жылы ACB (Absolute Championship Berkut) тағайындаған «Жыл нокауты» аталымының жеңімпазы атанды. Бұл туралы Vesti.kz-ке сілтеме беріп Qamshy.kz ақпарат агенттігі хабарлайды. Оның жанкүйерлері Ресейдің Санкт-Петербург қаласында өткен ACB 61 турнирінде Арман Оспановтың жапондық Таичи Накажимуды нокаутке жіберген соққысын ең үздік деп таныған. 

Еске сала кетейік, Оспанов өзінің соңғы жекпе-жегінде ресейлік Алексей Полпудникпен шаршы алаңға шығып, қазылардың әділетсіз шешімімен жеңілген болатын. Бұл шешім жанкүйерлер арасында үлкен дау туғызған.