Ақтөбеде 9 тәулік ішінде 4 мың көлік жүргізушісі жол ережесін бұзған

Ақтөбеде 9 тәулік ішінде 4 мың көлік жүргізушісі жол ережесін бұзған деп хабарлайды Qamshy.kz ақпарат агенттігі 24.kz-ке сілтеме жасай отырып. 

 Облыс аумағында өткен «Жүргізуші» жедел алдын алу шарасы кезінде оларға қатаң шара қолданылды. Ішімдік ішіп көлік айдаған 100 ақтөбелік анықталды. Бұрын құқық бұзып, куәлігінен айырылған 99 жүргізуші мен мүлде құжаты жоқ 100 адамның заңсыз көлік тізгіндегені белгілі болды. Жалпы, жыл басынан бері 281 жол көлік оқиғасы тіркелген. Бұл өткен жылмен салыстырғанда 1,8%-ға көп. Жол апаты кезінде 35 адам қайтыс болған. Жараланғандардың саны – 357 адам.