27 Шілде, 2017 NEWS
Ақмола облысында Орта Азиядағы ең ірі күн электр станциясы салынады
Целиноград ауданының Қабанбай батыр ауылы жанынан тұрғызылатын нысанды «KB Enterprises» атты шетелдік компания қолға алыпты
Ақмола облысында жақында Орта Азиядағы ең ірі күн электр станциясының құрылысы басталады, деп жазады Qamshy.kz ақпарат агенттігі. Бұл туралы Өңірлік коммуникациялар қызметі хабарлады.
Целиноград ауданының Қабанбай батыр ауылы жанынан тұрғызылатын нысанды «KB Enterprises» атты шетелдік компания қолға алыпты. Инвестор бұл жобаға 165 миллион евро қаржы құймақшы. Ал қуаттылығы 100 МВт электр станциясын салуға 300 га. жер телімі бөлінген. Нысанның инженерлік мердігері SUMEC CLEAN ENERGY INTERNATIONAL CO.LTD халықаралық холдингі.
Құрылыс жұмыстары, энергетика саласындағы әлемдік көшбасшы ABB еуропалық концернімен бірге жүзеге асырылмақ. Аталған концерн электр станциясына қажетті қондырғыларды орнатумен айналысады. Тың жоба ауданда жаңа жұмыс орындарының ашылуымен қатар елімізде «жасыл экономиканың» дамуына зор үлес қосады деп күтілуде.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір