Әкімдікті күтіп шаршаған Қарағанды тұрғыны көшедегі шұңқырларды өзі жөндей бастаған (ВИДЕО)

Желіде асфаль шұңқырларын бітеп жатқан ер адамның видеосы таралып кетті деп хабарлайды Қамшы ақпараттық агенттігі. Қарағанды қаласының тұрғыны әкімдіктің жолды жөндейміз деген уәдесін күтіп шаршағаны соншалық,  жолдарды өзі жөндей бастаған.  Оның бұл ісі видеоға түсіп қалған. Видео shock_krg инстаграм парақшасында жарияланған. Видеодан ер адамның  құмды алып көшедегі асфальтқа төсеп  жатқанын көруге болады.  Желі қолданушылары да, көшедегі адамдар да ер адамға риза болған.   Олардың сөзінше, шұқыр кішкентай болса да, жүргізушілер үшін ыңғайсыздық тудыратын. Ал кейбіреулер ер адам бұл бастамасы үшін жазалануы мүмкін екенін айтады.