09 Ақпан, 2018 NEWS
9 ақпанға арналған ауа райы болжамы
Республиканың солтүстік, шығысында қар күтіледі.
Атмосфералық фронттардың өтуіне байланысты республиканың солтүстік, шығысында кей жерлерінде аздаған қар күтіледі. Қазақстанның басқа өңірлерінде жауын-шашынсыз ауа райы сақталады. Кей жерлерінде тұман, желдің күшеюі күтіледі деп хабарлайды Қазгидромет.
Жамбыл, Қызылорда, Шығыс Қазақстан облыстарының кей жерлерінде тұман, желдің күшеюі 15-23 м/с күтіледі. Маңғыстау, Батыс Қазақстан облыстарында күндіз кей жерлерінде жел 15-20 м/с күшейеді. Солтүстік Қазақстан, Ақмола, Павлодар, Қостанай, Қарағанды, Оңтүстік Қазақстан облыстарының кей жерлерінде тұман күтіледі. Түнде Алматы облысында кей жерлерінде тұман күтіледі, Жалаңашкөл ауданында жел 18-23 м/с жетеді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір