15 Сәуір, 2024 Барлық аймақтар
Мектеп басшылығы 6,8 миллион теңге жымқырған
Шымкентте 6,8 миллион тенге жымқырған мектеп басшылығына қатысты соталды тергеп-тексеру басталды.
Көрнекі сурет
Шымкент қаласы Тұран ауданының прокуратурасы тексеру барысында 6 843 837 теңге сомадағы бюджет қаражатының жымқырылғанын анықтады.
Ақшалай қаражат 2022-2023 жылдар аралығында №73 орта мектептегі жөндеу жұмыстарын жүргізуге, ғимаратты жылытып ұстау үшін көмір жеткізуге бюджеттен бөлінген.
Одан бөлек, жұмыс атқармағанына қарамастан 2 қызметкерге ай сайын еңбекақы төленіп отырғаны белгілі болды.
Аудан прокуратурасы мектеп басшылығына қатысты Қазақстан Республикасы Қылмыстық кодексінің 189-бабы 3-бөлігінің 1-тармағы (Сеніп тапсырылған бөтен мүлікті иемдену немесе ысырап ету) бойынша соталды тергеп-тексеруді бастады.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір