Қытай топырақ алып келу үшін Айға ғарыш кемесін ұшырмақ

Осы аптада Қытай Айға ұшқышсыз ғарыш кемесін ұшыруды жоспарлап отыр. Құрылғы ай топырағының үлгілерін жинап, оларды жерге алып келуі керек, деп хабарлады CNN ақпарат агенттігі.

"Chang'e-5" бұл ежелгі қытайлықтардың ай құдайының атымен атаатын құрылғы. Ол ғалымдарға айдың пайда болуы мен қалыптасуы туралы көбірек білуге көмектесетін материал жинауы мүмкін делінуде.

Бұл сапар сәтті болған жағдайда Қытай Америка Құрама Штаттары мен Кеңес одағынан кейін ай топырағының үлгілерін алған үшінші ел болады.

Алдағы күндері іске қосылуы жоспарланған қытайлық техника "Oceanus Procellarum" немесе "дауыл мұхиты" деп аталатын бұрын зерттелмеген аймақтан 2 келі топырақ жинауға тырысады.