Коронавирус: Испания түнгі коменданттық сағат жариялады

Испания ұлттық төтенше жағдай жариялады және Covid-19 инфекциясының жаңа өршуін бақылауды күшейту үшін түнгі коменданттық сағат енгізді.

Премьер-министр Педро Санчестің айтуынша, жексенбіге қараған түні күшіне енген коменданттық сағат 23:00-ден 6:00-ге дейін болады.

Іс-шараларға сәйкес, жергілікті билік аймақтар арасында жүруге тыйым сала алады.

Санчес парламенттен бастапқыда күшіне енген жаңа ережелерді 15 күннен 6 айға дейін ұзартуды сұрайтынын айтты.

Осы жылдың басындағы пандемияның алғашқы толқыны кезінде Испания қатты зардап шекті.

Көптеген басқа еуропалық аймақтар сияқты, Испанияға да коронавирустың екінші толқыны айқын сезіледі.

Италияда жексенбіде де жаңа шектеулер жарияланды. Үкімет жағдайдың тұрақты өсуі елдің денсаулық сақтау қызметтеріне үлкен жүктеме туғызды деп мәлімдеді.

Сонымен қатар Франция күн сайынғы жаңа жағдайлардың рекордтық саны туралы хабарлады. Жексенбіде барлығы 521 010 вирус жұқтырғандар тіркелді, ал сенбіде 45000-нан сәл асып түсті.