22 Маусым, 2020 NEWS
kazinform.kz
Алматыда бірнеше экологиялық жоба жүзеге асырылады. Бұл туралы қала әкімдігінің баспасөз қызметі хабарлады.
Онлайн-брифинг барысында Алматы қалалық жасыл экономика басқармасының басшысы Наталья Ливинская қаладағы экологиялық жағдайды жақсарту бойынша бірнеше жоба әзірленгенін және оны жүзеге асыру жұмыстары қолға алынғанын атап өтті.
– Біз карантин кезінде жұмыс істеген блокпост тұрған жерлерде экопосттарды іске қосуды жоспарлап отырмыз. Сондай-ақ веложолдарды 28 шақырымға ұзарту көзделіп отыр және қоғамдық көлік үшін бөлінген жолақтарды ұлғайтамыз. Сонымен қатар, жақын арада қаланы аралап жүріп пайдаланылған газды өлшейтін мобильді зертханаларды іске қосамыз, – деді басқарма басшысы.
– Айта кетейік, университеттер де, мектептер де, бизнес орталықтарын да, кеңселер де, мемлекеттік органдарда да экопост болады. Онда қағаз, пластик қалдықтары мен шыны ыдыстарды жинау пункттері ұйымдастырылады. Бұдан бөлек, экологиялық бірлестіктер, ғалымдар, қызығушылық танытқан тұрғындардан тұратын жұмыс тобы құрылды, – деді Наталья Ливинская.
Бұған дейін, басқарма басшысы 2025 жылға қарай «Алматы Жылуэлектр орталығының» табиғи газға өтуі ауаға таралатын зиянды заттардың мөлшерін 48,4 мың тоннаға дейін азайтатыны туралы айтқан болатын.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір