• USD 468.56

  • EUR 497.56

  • RUB 7.3

  • CNY 67.18

28 Наурыз, 16:03:25
Алматы
+35°

19 Маусым, 2019 NEWS

Министр тұрмыс құрмаған қыздарға кеңес берді

"Тоқсаныншы жылдары дүниеге келгендер қазір отбасын құратын жасқа жетіп қалды. Бірақ олардың саны көп емес, сондықтан некелесудің төмендеуі осымен байланысты", - деді Дәленов.

Sputnik Казахстан

Болжаммен бес-алты жылдан кейін Қазақстанда неке қиятындар саны ең жоғары шекке жетеді. Бұл туралы ҚР Ұлттық экономика министрі Руслан Дәленов халыққа есеп беру кездесуінде айтты деп хабарлайды Qamshy.kz ақпарат агенттігі Sputnik Қазақстан  сайтына сілтеме жасап

Халыққа есеп беру кездесуінде елордалық тұрғын министрден замандастары арасында шаңырақ көтергендер аз екенін айтып, "некелесу санының азаюы елдің экономикалық жағдайымен байланысты ма?" деп сұрады.

Мұндай сұрақты күтпеген болуы керек, министр Дәленов те, залда отырған қонақтар да бір күліп алды.

"Экономист ретінде, мен үшін барлығы экономикамен байланысты. БАҚ бетінде соңғы кезде ажырасатындар қатары артып барады деген мәселе жиі көтерілген соң, таяуда мен статистиканы қарап шықтым. Бізде жыл сайын 140 мың адам некесін қияды екен, бірақ, өкінішке қарай, 55 мыңы ажырасады", - деді министр.

Ол қазіргі таңда жастар арасында некелесу санының азаюы 90-шы жылдардағы демографиямен байланысты екенін айтты.

"Тоқсаныншы жылдары дүниеге келгендер қазір отбасын құратын жасқа жетіп қалды. Бірақ олардың саны көп емес, сондықтан некелесудің төмендеуі осымен байланысты", - деді Дәленов.

Министр болжаммен бес-алты жылдан кейін некелесетіндер саны 2015 жылғы көрсеткіштен асып түсетінін жеткізді. Осыдан төрт жыл бұрын елімізде 150 мың неке қиылған екен.

Осы орайда Дәленов тұрмыс құрмаған қыздарға қызықты статистиканы мысалға келтірді.

"Қызық үшін айтайын, әсіресе жас қыздарға қажет болар. Егер неке қию динамикасын қарасақ, қазан айында отау құратындар көп екен, шамамен 13,5 мың неке қиылған. Ал ең қолайсыз мезгіл – ақпан айы, 8,5 мың неке. Міне, осындай қызық статистика", - деді ведомство басшысы.




"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір