Ақтауда іскер әйелдер кеңесінің жастар қанаты құрылды

Маңғыстау облысының "АТАМЕКЕН" кәсіпкерлер палатасына қарасты іскер әйелдер кеңесі жастар қанатының негізгі құрамын жасақтады. ІӘК құрылғаннан бері жас кәсіпкерлердің үлкен шеңбері пайда болды. Олардың алды белгілі бір жетістіктерге жеткен, бизнесте белсенді, қоғамның әлеуметтік өмірінде жаңа, тың идеялар ұсына алатын жас кәсіпкерлер.

"Олардың барлығымен әңгімелесу кезінде белгілі болғандай, жастар іскер әйелдер кеңесінің жұмысын бақылап отырған. Кеңес оларды бизнесте және жеке өмірде көп нәрсеге ынталандырды. Шынында да, жастар қанатына үміткерлердің әрқайсысымен жеке кездесулер өткіздім. Онда өз уақытын қоғамдық жұмысқа арнауға, дұрыс азаматтық ұстанымы бар нағыз айқын тұлға болуға дайынмын деп белсенді болған жастар таңдалды", - дейді МО Іскер әйелдер кеңесі төрағасы Сәуле Салихова.

Жастар қанатының құрамында 8 адам бар. Олардың орта жасы- 31. Барлығы жоғары білімді. Қызмет саласы: қосымша білім беру, дұрыс тамақтану, киім дизайны және өндірісі, қоғамдық тамақтану, іс-шараларды ұйымдастыру. Қыздар өте білімді, ой-өрісі мол, қалалық және облыстық іс-шараларды өткізудің жақсы ұйымдастырушылары. «ІӘК Жастар қанатының төрағасы болып бірауыздан Диана Ботаева сайланды. "Атамекен" ӨКП жанындағы Маңғыстау іскер әйелдер кеңесінің қатарын толықтыру мақсатында біз жастар бөлімшесін құрдық. Оның құрамына әдемі, өршіл және жарқын қыздар кірді. Менің міндетім бүгінгі күні мүмкіндігінше тезірек бейімдеу, бағыттау және тарту, мен өте қуаныштымын, өйткені бірге әлдеқайда көп іс жасауға болады!»- дейді ол.