15 Мамыр, 2019 Әдебиет
Сайлауләйлім: "Арманға жетті қу түлкі, арландарыма оқ тиді" (видео)
Сайлау өтеді дегелі, Көрмеген көрдік көп дейді
Сайлау өтеді дегелі,
Көрмеген көрдік көп дейді
Ақ жауынның артынан
Саңырауқұлақтар көктейді.
Кандидаттардың ішінде
Тасмағамбетов жоқ дейді,
Арманға жетті қу түлкі
Арландарыма оқ тиді.
Комунистердің таңдауы
Жамбыл Ахметбек дейді.
Ұл болып жарытпағандар
Ұлтқа қызмет етпейді.
Қосановтай ағамды
Қостайтындар көп дейді,
Бәрібір оның дауысы
Тоқаевқа жетпейді.
Елімнің жайы не болмақ?!
Темірдің өзін тот жейді.
Кімнің президент боларын
Елбасы өзі реттейді.
Жырлай беріп қайтейін?!
Бәрібір әділ өтпейді,
Тырнаны қарауыл қойса
Төбеңнен қиқу кетпейді...
Авторы: Аспанбек Шұғатаев
Ұсынған: Әсел Болатқызы
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір