4 ананың өлімінен кейін перзентхананың бас дәрігері жұмысынан кетті

Астанадағы №1 перинаталдық орталықтың бас дәрігері қызметінен кетті. Бұл туралы Астана қаласы денсаулық сақтау басқармасы басшысының орынбасары Әлия Рүстемова елордада өткен брифинг барысында айтты. Бұл туралы tengrinews.kz порталы жазды. 

«Ол тамызда болған жағдай. Бас дәрігер өз еркімен жұмыстан шығу туралы арыз жазды. Ол шыдамады, расында қиын болды», - деді Әлия Рүстемова.

«Қаза тапқан әйелдерге көмек көрсеткен медицина қызметкерлеріне қатаң сөгіс жарияланды. Акушер-гинеколог, неонтологтар мен реанимотологтарды оқытуға 100 миллион теңге бөлінді», - деді Рүстемова Астанада білікті мамандардың жетіспейтінін ескере отырып.

Айта кетейік, 21 маусымда №1 перинаталдық орталықта бір әйел қайтыс болды. Сол айдың 25-інде екінші әйел көз жұмды. №2шілдеде тағы біреуі ажал құшса, 16 шілдеде №2 перинаталдық орталыққа сәбиімді қолыма аламын деп келген ана бақилық болды. Мұндай жағдай 1 қыркүйекте тағы қайталанды. Дәрігерлер жаңа босанған әйелдердің жиі қайтыс болуын эмболияның кесірінен деп отыр.