2018 жылы Ақтөбе облысы өртпен қалай күресті?

Өртенген жерлердің жалпы алаңы 2800 га құрайды. Бұл туралы Ақтөбе облысының Өңірлік коммуникациялар қызметіндегі баспасөз конференциясында облыстық ТЖД өрт қауіпсіздігі саласындағы бақылау және алдын-алу қызметі басқармасының бастығы Евгений Овчарский хабарлады.

«Ағымдағы жылы дала өрттері тіркелінген жоқ. 73,7 га жерде 7 орман өрті болды. Ерікті өрт сөндіру құрылымдарының жиналуы, шығуы және өртті сөндіруі және олардың басқа қызметтермен өзара байланысы бойынша дағдыларды қалыптастыру мақсатында Ақтөбе қаласы мен облыс аудандарында 31 өрт сөндіру-тактикалық оқу-жаттығулар өткізілді.

Елді-мекендерде 343 ерікті өрт сөндіру құрылымдары құрылды, оларға 3211 адам кіреді», - деді Евгений Овчарский. Құрылымдарда 789 бірлік ыңғайластырылған техника, 8 8 өрт сөндіру автомобилі. 202 өрт сөндіру мотопомпа мен 1519 аспалы бүріккіштер бар. Сондай-ақ, республикалық және облыстық маңыздағы жолдардың, орман шаруашылығы мекемелерінің, теміржолдардың бойын өртке қарсы жырту жөніндегі алдын-алу іс-шаралары жүргізілді, 22,5 млн.теңге сомасына Ырғыз, Қарғалы, Хромтау, Шалқар және Алға аудандарында өрт шығуын бақылау орындары құрылды.

Тұтастай алғанда облыс аумағында 9 өрт шығуын бақылау орындары жұмыс істейді.