13 ақпанға арналған ауа райы болжамы

Қазгидрамет 13 ақпанға арналған ауа райы болжамын жариялады, деп хабарлайды Qamshy.kz ақпарат агенттігі.

Атмосфералық ауа ағындарының өтуіне байланысты,  Қазақстан аумағы бойынша  тұрақсыз ауа райы сақталады, кей жерлерде қар жауып, желдің күшеюі күтіледі.

Қазақстанның шығысында, солтүстік-шығысында және оңтүстік-шығысында жауын-шашынсыз ауа райы сақталады.

Кей жерлерде тұман болып, еліміздің солтүстік-батысында жаяу бұрқасын, оңтүстік-батысында көктайғақ күтіледі.

Жамбыл, Оңтүстік Қазақстан облыстарының кей жерінде тұман болып, жел 15-20, екпіні 25 м/с күшейеді.

Маңғыстау облысының кей жерлерінде тұман, түнде көктайғақ болады.

Қызылорда, Қостанай облысының кей жерлерінде тұман түсіп, жел күшейеді.

Ақмола, Батыс Қазақстан, Солтүстік Қазақстан, Павлодар, Шығыс Қазақстан облыстарының кей жерлерінде тұман болады.