12 жастағы вундеркинд қазақ әліпбиінің акутсыз жаңа нұсқасын ұсынды

12 жастағы вундеркинд қазақ әліпбиінің акутсыз жаңа нұсқасын ұсынды
Ⓒqamshy.kz

Абзал Мырзаш латынға негізделген қазақ әліпбиінде белсенділік танытқан вундеркинд әрі Қазақ-Британ Техникалық Университетінің Ақпараттық технологиялар факультетінің 2-курс студенті. Алғашқы Қазақ-Латын әліпбиі ретінде жасаған өз нұсқасын 18.09.2017 жылы Елбасына жолдаған еді. Оған ешқандай жауап келмеген соң, 20.12.2017 жылы өзгертулер енгізіп, қазақ-латын әліпбиін қайта жасаған болатын.

♦12 жастағы вундеркинд Елбасына Қазақ-Латын әліпбиі жобасын ұсынды

Аталмыш нұсқа халық тарапынан қолдау тапқанымен, сынағандардың да қарасы көп болды. Кеше Qamshy.kz ақпарат агенттігінің поштасына Абзалдан кезекті хат келді. Бұл жолы өзінің жаңа нұсқасын ұсынған 12 жастағы студент оның халық үшін ыңғайлы әрі оңай екеніне сенімді. Акутпен жасалған әліпбидің кемшіліктерін тізіп, тың нұсқасын жасап, оны ABZALalphabet деп атаған Абзал Мырзаштың қазақ әліпбиін халықтың назарына ұсынуды жөн көрдік.

Qamshy.kz ақпарат агенттігі

Мен, Мырзаш Абзал Дәуренбекұлы, өзім жасаған латын графикасына негізделген қазақ тілі әліпбиі бойынша ұсынып отырған осы нұсқамның артықшылығын дәлелдеу үшін, ең алдымен 2018 жылдың 19 ақпанында жарияланған «акутпен жасалған жаңа әліпбидің» кемшіліктерін салыстырмалы түрде айта кетейін:

1) Акутпен жаcалған әріптер компьютердің клавиатурасында жоқ. Компьютерден қазақ тілінде мәтін жазғанда қиындықтар туындады.

2) Ц, Щ, Ю, Я әріптері жоқ. Әсіресе, жаңа әліпбиде неліктен Щ, Ю, Я әріптері ескерілмеген? Мысалы: Қазақтың «ащы, тұщы, аю, ою, қою, қоюландыру, Баян, баяғы, ұя, ұят, саяхат, саябақ, таяқ»  және тағы басқа қазақтың төл сөздерін қалай жазамыз? «цунами, цитоплазма, Цейлон, Целебес, Цхинвали, Цюрих, Циалковский, Сосковец» және тағы басқа термин сөздерді, жер-су аттарын, қала атауларын және адамның аты-жөндерін қалай жазамыз?

3) Іі, Ии/Йй (Ii, II) әріптерінің бас әріптерін бірдей, ал мәтіндік кіші әріптерін ұқсас етіп жасаған. Мысалы: «Ілгіш, Инелік», деген сөздерді жазғанда Ilgish, Inelik деп жазылып, Ілгіш, Інелік деп оқылады және І әрпімен И әрпін ажырату қиындап, түсініксіз болады. Сонымен қатар, «тиін, киім, киік» сөздерін жазу қиындықтарды тудырады. Өйткені, кіші и/й (I) әрпі компьютердің клавиатурасында жоқ. Мысалы: тиін - tiIn, киім – kiIm

4) Егер де асхана, Асхат Исхаков деген сөздерді «акуты бар жаңа әліпбимен» жазатын болсақ, ashana деп жазылып, ашана деп оқылады, Ashat Ishakov деп жазылып, Ашат Ишаков деп оқылады.

5) Қазақтың кириллицадағы ең керекті 38 дыбысын қысқартып, 32 әріппен 34 дыбыс жасалған. 32 әріптен тұратын акуты бар әліпби 4 дыбыстың тапшылығынан ауылшаруашылық, архитектура, әскери, биология, ветеринария, география, геология және минералогия, заң, медицина, педагогика, политология, психология, социология, тарих, техника, фармацевтика, физика және математика, филология, химия, экономика ғылымдарының  терминдерін және спецификалық сөздерін жазуға келмейді. Жаңа әліпбидің тығырыққа тірейтінін ешкім ескермеген.

6) 2018 жылдың 19 ақпанында жарияланған «акутпен жасалған жаңа әліпби халыққа ұнады деу қате.  Әсіресе, осы диакритикалық акуттен құралған жаңа әліпбиді IT-мамандары, журналистер, банк қызметкерлері, кәсіпкерлер, мұғалімдер, оқушылар, студенттер ұнатқан жоқ.

Латын графикасы негізінде әліпби жасаудың әлемде қалыптасқан (диграфтық, диакритикалық(акуттық) және апострофтық) үш тәсілі бар. Бірақ, филологтар арасында да, лингвистер арасында да, қоғамда да осы үш тәсілдің біреуін қолдайтындар, қалғанына қарсы болатындар бар. Себебі, латын таңбалары қазақ тіліне арналмаған және қазақ тілінің төл дыбыстық жүйесі емес.

Екінші бір мәселе, "біз түркі әлемінен алыстап кетпеуіміз керек" деген пікірлер айтылып жүр. Менің пікірім, біз қай әліпбимен де түркі әлеміне жақындай алмаймыз. Әліпби деген таңба. Ағылшынның 26 таңбасын бәріміз білеміз, бірақ бәріміз ағылшын тілін білмейміз. Сол сияқты, түріктікі басқа, әзірбайжандікі басқа, түрікмендікі және өзбектікі басқа. Сондықтан "әліпби арқылы түркі әлеміне жақындасып кетеміз, басқа түрік тілдерін игеріп аламыз" деу шындыққа жанаспайды.

Ал, Тіл білімі институтындағы кейбір тіл мамандарының ғалымдары "бір дыбыс - бір әріп" болғаны дұрыс" деп, Ахмет Байтұрсынұлының жасаған қазақ-латын әліпбиін жөн санайды екен.

Бұлай болған жағдайда компьютердің клавиатурасында жоқ әріптерді қолдану қиындықты және сауатсыздықты тудыратыны сөзсіз.  Оған қазіргі  жастардың компьютерден, планшеттен және смартфоннан қазақтың сөздерін орыстың әліпбиіндегі кирилл әріптерімен жазып, сауатсыздықтың көбеюі себеп бола алады. Мысалы: "Құдағи аң-таң болған күйі не дерін білмеді. Жәнібектің ерке қызы өзін әлпештеп өсірген әжесінен де кешірім сұрамады" дегенді «Кудаги ан-тан болган куйи не дерин билмеди. Жанибектин кызы озин алпештеп осирген ажесинен де кеширим сурамады» деп жазады.

Тағы да айта кететін себептер бар. Ахмет Байтұрсынұлының латын графикасындағы әліпби" 1940 жылға дейінгі уақытта пайдаланылған, ол кезде компьютер болмаған, қолмен жазғанын бәріміз білеміз. Қазіргі ақпараттық технология заманында Байтұрсынұлының әліпбиі жарамайды.

Үшінші бір мәселе, әліпбиімізді «акуттық диакритикалық таңбалардан» жасасақ та, «төбесінде қос нүктесі, астында құйрығы, белінде белбеуі бар акутсыз диакритикалық таңбалардан» жасасақ та, төл әріптеріміз компьютердің пернетақтасына сыймайды.

Сондықтан қанша жерден қосымша арнайы компьютерлік бағдарлама жасағанымызбен, қиындықтар арта түседі. Өйткені, стандартқа сай емес, яғни, клавиатурадағы 26 әріптен тыс «диакритикалық акуты бар әліпби» болғандықтан проблема көбейеді.

Егер ақпараттық технология саласында ешкімнен кем болмай, әлемдік деңгейге шығамыз десек, шикілігі көп «акуты бар 19.02.2018 жылы бекітілген жаңа әліпбиден» бас тартуымызға тура келеді.

Сондықтан, о бастан айтылған Елбасының негізгі идеясы бойынша компьютердің пернетақтасына (клавиатурасына) ыңғайлап, қазіргі заман талабына сай болатындай, латынның 26 әрпінен диграфтық тәсілмен қазақ-латын әліпбиін жасау болғандықтан, үлесімді қосу үшін өз нұсқамды ұсынып отырмын.

Осы тұста тіл мамандарының жіберген диграфқа байланысты орын алған кемшіліктерін де салыстырмалы түрде айта кетейін:

11.09.2017 жылғы Парламентте қаралып, халыққа ұсынылған Ш. Шаяхметов атындағы тілдерді дамытудың республикалық координациялық-әдістемелік орталығының диграфтан тұратын қазақ-латын әліпбиінің жобасында сәтсіз шыққан Ae, Ng диграфтары болды.

Оған дәлел "cәбіз", "Нәби" сияқты сөздерді тергенде "saebiz", "Naebi" орыс тіліндегі анайы сөздер шыққанына халықтың қарсы болғанын еске түсіре кетейін.

Сонымен қатар, қазақтың "түнгі", "сенген" сияқты сөздерін тергенде "tuengi" деп жазылып, "түңі" деп, ал  "sengen" деп жазылып "сеңен" деп оқылады ғой. Міне, осындай кемшіліктер орын алған соң, бұқаралық ақпарат құралдарында және әлеуметтік желілерде халық қарсылық танытқаны туралы жарияланып, қабылданбады.

Ал, менің жобамда ондай кемшіліктер жоқ. Өйткені, мен қазақ тілінің фонетикасын, лексикасын, орфографиясын және грамматикасын сақтай отырып, диграфтарды пайдаланғанда сөз құрылымдарының ағылшын және орыс тілдерінде кездесетін анайы сөздердің орын алмауын ескеріп,  қазақ әліпбиінің латын графикасындағы жаңа нұсқасын жасағанмын.

Өз жобамда кириллицадағы қазақ әліпбиінің ең керекті деген  38 дыбысын 36 әріппен сақтауға тырысқан болатынмын.  Себебі, олай етпеген жағдайда қазақ ақын-жазушыларының және ғалымдарының өткен ғасырдан бастап осы кезеңге дейінгі орны толмас еңбектері мен шығармаларын қазақ-латын әліпбиіне көшіру мүмкін болмайтынын ескердім.

Осы жобамда латын графикасына негізделген қазақ алфавитінде диграфтарды қолдануды қарастырдым. Осылайша өзге тілде кездеспейтін қазақтың 9 төл әріптерінің төртеуін (Ә - Aa, Ғ - Gh, Ө - Oe, Ү -Ue) диграфпен, ал бесеуін (І - I, Қ -Q, ң –h, Ұ -U, h - х) бір дыбыс бір әріппен белгіледім. Сондай-ақ, қазақ әліпбиіндегі өзге ұлттармен ортақ  2 әріпті (Ж - Zh, Ш - Sh) және орыс тілінен енген 3 әріпті (Ч - Ch, Ю - Jw, Я - Ja) диграфпен көрсеттім. Тек қана, қазақтың «ащы» және «тұщы» деген екі-ақ сөзінде кездесетін бір әріпті (Щ - Sch) триграфпен белгіледім.

ABZALalphabet

Тек, дауысты дыбыстардан кейін кездесетін «ң» әрпін – «h» әрпімен белгіледім. Егерде «h» әрпі дауыссыз дыбыстан кейін тұрса, диграфты құрайды және «визуальді» түрде оңай оқылады.

ABZALalphabet

Төл әріптеріміздің ішінде жиі қолданылатын әріптердің бірі «ң» әрпіне байланысты қазақ тілінде сөздер және жалғаулар өте көп.

Қазақ тіліндегі сөздердің тұрқы ұзын болу себебі, тек «ң» әрпіне қатысты және «-ың, -ің, -дың, -дің, -ның, -нің, -тың, -тің, -сың,-сің» сияқты спецификалық жалғауларға байланысты екенін анықтадым.

Әсіресе, жалғау түрінде сөздің тұрқын ұзартатын болғандықтан диграф ретінде «nh» қолданудың орнына латынның «h» әрпін қолдануды жөн санадым. Мысалы: aлдың-aldyh, aйттың-ajttyh,  келдің-keldih, кеттің-kettih, кеткенсің-ketkensih, күрең-kureh, қызың-qyzyh, ұлың-ulyh.

Кейде, «ң» әрпі сөйлем арасындағы кейбір сөздерде 2-3 рет кездеседі. Сондықтан, «ң» әрпінің «тұрқы ұзын, күрделі сөздердің» арасынан оқылуы оңай болып, көзге күш түсірмей, визуальді түрде тез қабылдануы үшін, латынның «h» әрпімен белгіледім. Мысалы: айтқаныңның-ajtqanyhnyh, мыңның-myhnyh, әңгімеңнің-aahgimehnih, таңыңның-tahyhnyh және тағы басқа сөздер.

Қазақ тілінде сирек кездесетін кейбір әріптерді диграф және триграф түрінде қалдыруға тырыстым: Щ-Sch, Ю-Jw, Я-Ja. Мысалы: ащы-aschy, аю-ajw, ұя-uja.

Термин сөздерде, жердің атауларында, адамның аты-жөндерінде ғана кездесетін әріптердің жазылу ережесі: Ч-Ch. Мысалы: Чили-Chjlj, Иванович-Jvanovjch, Шевченко-Shevchenko.

Мен жасаған нұсқа инженерлерге, кәсіпкерлерге, барлық саладағы мамандарға, әсіресе IT-технология мамандарына, журналистерге, банк қызметкерлеріне, мұғалімдерге, жастарға, оқушыларға, студенттерге, магистранттарға, докторанттарға өте ыңғайлы.

Оның үстіне халықаралық терминдерді игеруде, қазақ тілін дамытуда және ақпараттық технологияларды жетілдіруде өте маңызды.

Халықтың пікірін білу үшін ата-анам әлеуметтік желілерге менің нұсқамды  салған күннен бастап,  көпшіліктен қолдау таптық.

Әр түрлі сайттарда және басқа бұқаралық ақпарат құралдарында қазақ-латын әліпбиіне қатысты менің жобам кеңінен таратылып, талқыланды. «диграфтардан тұратын Абзалдың ұсынған латын алфавитімен жазылған сөздер оңай оқылады, әрі әріптері есте тез сақталады», оның үстіне «компьютерде ешқандай қиындықсыз жазуға болады» деп ұнатқан қолдау білдірушілер  менің нұсқаммен таныс болғандардың басым көпшілігін құрайды.

Айта кететін ең басты мәселе, 22.06.2017-15.07.2017 жылы, яғни 23 күннің ішінде мен компьютердің пернетақтасына лайықтап, қазақ-латын алфавитіне қатысты диграфтар арқылы 4 бірдей жаңа нұсқа жасап бітірген едім. Соның ішіндегі ең сәтті шыққаны қазіргі ұсынып отырған 1-нұсқам екенін түсіндім.

Осы 1-ші нұсқамды 29.06.2017 жылы диграфтық жолмен жасап бітіп, латын графикасына негізделген қазақ тілі әліпбиі «ABZALalphabet» - деп атаған болатынмын.

Бүгінде, IT-технология (Internet, E-mail, Viber, Facebook, WhatsApp, MS-Office, Windows, Unix, E-money, E-commerce, Web-banking, 1C-бухгалтерия және 1C-кәсіпорын) адам өмірінде маңызды роль атқарады. Онсыз күнделікті өмірді көзге елестету мүмкін емес.

Егер, қазақ-латын әліпбиі компьютердің пернетақтасында жоқ әріптерден құралса, мәтінді теру қиындайды және E-commerce, Web-banking, 1C-бухгалтерия және 1C-кәсіпорын арқылы жіберілген мәтіндер оқылмай қалады.

Сондықтан, мен латын графикасына негізделген қазақ-латын әліпбиін (әрі қарай, «ABZALalphabet әліпбиі») компьютердің пернетақтасындағы 26 әріптен диграфтық тәсілді қолдану арқылы жасадым.

Диграфтық тәсілді қолданып қазақ-латын әліпбиін жасау сөздің тұрқын ұзартады деген пікірлерден кейін, ана тіліміздің фонетикасы, лексикасы, орфографиясы және грамматикасы бойынша төл әріптерімізге қатысты ерекшеліктерді ескере отырып, күрделі сөз құрылымдарына салыстырмалы түрде зерттеулер жүргізуге тура келді.

Осы зерттеулердің нәтижесінде төл әріптердің ішінде тек бір ғана «ң» әрпін диграф ретінде таңбалау сөздердің тұрқын ұзартатындығына себеп болатыны дәлелденді. Бұған дәлел ретінде Тіл білімі институтына ұсынылған қазақ-латын әліпбиіне қатысты жасаған (төрт нұсқамның ішіндегі)  2-ші және 3-ші нұсқаларымды айтуға болады. Осыған байланысты зерттеулерімді жүргізу барысында, 2017 жылдың 29 маусымында жасап біткен 1-ші нұсқамның, яғни ABZALalphabet әліпбиінің сәтті шыққан туынды екенін анықтадым.

Мен 1-нұсқамда төл әріптердің ішіндегі «ң» әрпінің таңбасын диграф ретінде пайдаланбай, тек «һ» әрпінің жеке таңбасымен белгілен едім.  Сөйтіп, ABZALalphabet әліпбиіндегі диграф ретінде жазылатын төл әріптердің ешқайсысы сөздердің тұрқын соншалықты ұзартпайтыны және жеңіл оқылатыны анықталды.

Сонымен, өз нұсқаларыма зерттеулер жүргізудің нәтижесін қорытындылай отырып, жасаған сараптамаларымның арқасында, латын графикасына негізделген қазақ әліпбиіне «диграфтық тәсілді қолдану сөздің тұрқын ұзартып,  оқуға да, жазуға да  қиындық келтіреді» деген тұжырым жоққа шығарылды. Мысал ретінде осы сөйлемді осы нұсқаға аударып оқып көрелік:

Sonymen, oez nusqalaryma zerttewler zhuergizwdih naatjzhesin qorytyndylaj otyryp, zhasaghan saraptamalarymnyh arqasynda, latyn grafjkasyna negizdelgen qazaq aalipbjine “digraftyq taasildi qoldanw  soezdih turqyn uzartyp, oqwga da, zhazwgha da qjyndyq keltiredi” degen tuzhyrym zhoqqa shygaryldy.

ABZALalphabet әліпбиі ғылымның кез келген саласында әскери салада, құрылыс және сәулет саласында, экономика және қаржы саласында,  банк жүйесінде және бизнес саласында «электрондық формада» жіберілетін қазақ тіліндегі мәтіндер мен құжаттар тез жолданып, өзгеріссіз қабылданатын және оңай оқылатын болады.

Ең маңыздысы, мен жасаған ABZALalphabet әліпбиді қолдану IT-технологияның барлық саласы үшін өте тиімді. Әсіресе, 1C-бухгалтерия және 1C-кәсіпорын бағдарламалары арқылы салық инспекциясына  тоқсандық және жылдық есептерді жолдау қиындықтарды тудырмайтын болады.

Сонымен қатар, ABZALalphabet әліпбиін пайдалана отырып компьютерде, планшетте, смартфондарда қазақ тілінде мәтіндерді теру, ғылыми термин сөздерді және спецификалық салалық сөздерді жазу өте ыңғайлы.

Бастысы, қайда болсаңыз да, қазақша мәтін теру үшін арнайы бағдарлама іздеп, оны жүктеп жүрмейсіз. Кириллицадағы қазақ әліпбиі сияқты және «19.02.2018 жылғы бекітілген диакритикалық акуты бар әліпби» сияқты «арнайы бағдарламадан тұратын клавиатураға» тәуелді болмайсыз.

Иә, «ABZALalphabet әліпбиінің» ыңғайлы екені сол, әлемнің кез келген түкпірінен, яғни қай мемлекетте жүрсеңіз де, керекті ақпараттарды қазақ тілінде жазуға, оқуға, қабылдауға немесе жолдауға болады.

Сондай-ақ, компьютердің пернетақтасындағы әріптерден ғана құралған ABZALalphabet әліпбиінің басты ерекшілігі, қазақша мәтіндерді жылдам жазу мүмкінділігіне ие болуға септігін тигізеді.

 Абзал Дәуренбекұлы Мырзаш,

Қазақ-Британ техникалық университетінің

Ақпараттық технологиялар факультетінің 2-курс студенті

«Қамшы» сілтейді

Пікір айту

Пікір қалдырушының тіркелуі міндетті. КІРУ / ТІРКЕЛУ


  • 6 ай бұрын

    Қандай ақылды бала, Абзал! Əліпбиі керемет екен! Маған қатты ұнап отыр. Клавиатурада да, қаламмен жазуға да ыңғайлы екен. Оңай үйреніп алуға болады. Үкімет осыны қабылдаса күшті болар еді.
    Тіл білімінің мамандары қалайша осындай əліпби жасай алмады? Апостроф дей ме, акут дей ме? Өткен жолы балам сол акутпен диктант жаздық деп келді. Сұмдық қиын, басымды қатырып жіберді. І мен И əріптері бірдей дейді. Мына вундеркинд балаға риза болып отырмын, соңғы əліпбидің бүкіл кемшілігін байқап, тізіп тұрып жазыпты. Бүкіл халық болып сол əліпбиден бас тарту керек шығар.

    • 5 ай бұрын

      Осы латыншаның не қажеті бар.
      Нұрекең айтты деп бүкіл халықты дүрбелең еткізіп.
      Кімнің мамандығына латыт әріптері қажет болса жеке өзі үйреніп алсын.
      Маған ұнамайды өйткені жазылғанды оқу мәнерімізден айрыламыз.

  • 6 ай бұрын

    Алдындағы қасапшылардың (тіл білімі мамандарының) жасағандарын көрдік қой, бірде біреуі ұнаған жоқ. Позор болды емес пе? Тіл білімі институтының жасаған варианттары Saebiz, апостроф, акут нағыз жарамсыз варианттар.

    • 6 ай бұрын

      Абзалдын Алфавиты жаксы екен,Колданыска осыны енгизсе, дурыс шешим болар еди.!

      1
      Қырғыздардың сүйіктісіне айналған қазақ көкпаршысы (видео)
      19/05 18:21 0 65
      2
      Арнольд Шварценеггерге шабуыл жасаған кім? (видео)
      19/05 18:11 0 99
      3
      Қазақстандағы жалғыз каллиграф – Асылбек Орынбасаров (сұхбат, фото)
      19/05 17:50 0 57
      Ғажап! Мешіт күмбезін көтеруге көмектескен көгершін(видео)
      19/05 16:36 0 279
      Жол апаты әйел адамның өмірін жалмады (видео)
      19/05 14:01 0 631

      Таныстырылғандар

      Саяхатшы, блогер Тинкай Кретованың "Qазахстанец" атты кітабының тұсауы кесілді
      Саяхатшы, блогер Тинкай Кретованың "Qазахстанец" атты кітабының тұсауы кесілді
      Саяхатшы, блогер Тинкай Кретованың "Qазахстанец" атты кітабының тұсауы кесілді
      2017 жылы Тинкай Кретованың «Қазтуған» атты кітабы жарыққа шыққан болатын.
      Аудио тыңдау
      14/05/2019 20:18 1 312
      Дос Көшім: оларды "көргенсіз" демеске шара жоқ
      Дос Көшім: оларды "көргенсіз" демеске шара жоқ
      Дос Көшім: оларды "көргенсіз" демеске шара жоқ
      Әміржан Қосановтың елде болып жатқан соңғы жаңалықтар туралы қойған сұрағына Дос Көшім тосылмай-ақ жауап берді.
      Аудио тыңдау
      15/05/2019 10:42 0 4535
      Ислам туралы таңғажайып фактілер: Қанмен жазылған Құран сақтаулы тұр
      Ислам туралы таңғажайып фактілер: Қанмен жазылған Құран сақтаулы тұр
      Ислам туралы таңғажайып фактілер: Қанмен жазылған Құран сақтаулы тұр
      Ислам дініне қатысты қызықты фактілер.
      Аудио тыңдау
      15/05/2019 11:08 0 807
      Сәдібек Түгел Щучинск қаласындағы кездесуде не айтты?
      Сәдібек Түгел Щучинск қаласындағы кездесуде не айтты?
      Сәдібек Түгел Щучинск қаласындағы кездесуде не айтты?
      Кандидаттың сенімді өкілі Талғат Омар Сәдібек Түгелдің қолына алған ісін әрқашан соңына дейін жеткізетін табандылығы туралы айтты.
      Аудио тыңдау
      16/05/2019 01:18 0 349
      ҰБТ-2019: жас түлектерді қандай "тосын сый" күтіп тұр?
      ҰБТ-2019: жас түлектерді қандай "тосын сый" күтіп тұр?
      ҰБТ-2019: жас түлектерді қандай "тосын сый" күтіп тұр?
      Ақылы бөлімге түсу үшін талапкерлерге 4 ҰБТ біріне қатысып, шекті балл жинаса жеткілікті.
      Аудио тыңдау
      16/05/2019 01:59 0 537
      Ақтауда әйел көйлегін киген ер адамды полиция құрықтады (видео)
      Ақтауда әйел көйлегін киген ер адамды полиция құрықтады (видео)
      Ақтауда әйел көйлегін киген ер адамды полиция құрықтады (видео)
      Куәгерлердің айтуы бойынша, желіде танымал болған көйлектегі азамат бірнеше рет әуесқойлар камерасының нысанасына іліккен.
      Аудио тыңдау
      16/05/2019 04:09 0 1235
      Қасым-Жомарт Тоқаев Армения Президентімен кездесті: Қандай мәселелер талқыланды?
      Қасым-Жомарт Тоқаев Армения Президентімен кездесті: Қандай мәселелер талқыланды?
      Қасым-Жомарт Тоқаев Армения Президентімен кездесті: Қандай мәселелер талқыланды?
      Армен Саркисян тараптардың экономикалық байланысын арттыруда Астана қаржы орталығының маңызы зор екенін айтты.
      Аудио тыңдау
      16/05/2019 13:00 0 345
      Алматыда автобус жүргізушісі мен жолаушы төбелесіп қалды (Видео)
      Алматыда автобус жүргізушісі мен жолаушы төбелесіп қалды (Видео)
      Алматыда автобус жүргізушісі мен жолаушы төбелесіп қалды (Видео)
      Әлгі автобус бағытына жауапты "Алматыэлектротранс" компаниясы аталған фактіні қабылдап, тексеру амалдарын жүргізіп жатқанын мәлімдеді.
      Аудио тыңдау
      16/05/2019 15:34 0 2023
      Алматыда зорлық жасаған күдікті қамауға алынды
      Алматыда зорлық жасаған күдікті қамауға алынды
      Алматыда зорлық жасаған күдікті қамауға алынды
      Алматыда «Медеу» мұз айдыны аумағында зорлық жасаған күдікті қамауға алынды, деп хабарлайды
      Аудио тыңдау
      16/05/2019 19:37 0 536
      Сатқын саясаткер түрмеге тоғытылғалы жатыр
      Сатқын саясаткер түрмеге тоғытылғалы жатыр
      Сатқын саясаткер түрмеге тоғытылғалы жатыр
      ҰҚК мәлімдеуі бойынша, "БАҚ туралы заңның" талаптарына сәйкес, мекеме сотқа дейінгі жасалатын амалдар туралы мәлімет бермеуге құқылы-мыс.
      Аудио тыңдау
      17/05/2019 09:43 1 631
      Атырау облысында 500-ге жуық мұғалім жетіспейді
      Атырау облысында 500-ге жуық мұғалім жетіспейді
      Атырау облысында 500-ге жуық мұғалім жетіспейді
      Атырау облысында 500-ге жуық мұғалім жетіспейді
      Аудио тыңдау
      17/05/2019 13:06 0 185
      Тоқаев vs Қосанов: Марғұлан Сейсембай таңдаудың 4 жолын айтты
      Тоқаев vs Қосанов: Марғұлан Сейсембай таңдаудың 4 жолын айтты
      Тоқаев vs Қосанов: Марғұлан Сейсембай таңдаудың 4 жолын айтты
      Достар, көптеген адамдардың сұрақтарына жауап беру үшін мен мына сайлау науқаны жөнінде кішігірім талдау жасадым.
      Аудио тыңдау
      17/05/2019 15:00 0 2734
      Ринат Заитов кімге қапалы?
      Ринат Заитов кімге қапалы?
      Ринат Заитов кімге қапалы?
      Ақын желідегі жазбасында өзінің дәл осындай саяси немесе әншілер туралы айтқан сөздері ғана жиі тарайтынына өкініш білдірген.
      Аудио тыңдау
      17/05/2019 15:05 1 5196
      Президенттікке үміткерлер сайлауалды бағдарламаларында нені ұмыт қалдырды?
      Президенттікке үміткерлер сайлауалды бағдарламаларында нені ұмыт қалдырды?
      Президенттікке үміткерлер сайлауалды бағдарламаларында нені ұмыт қалдырды?
      Мемлекетті басқаруды дәметіп отырған үміткерлердің сайлауалды бағдарламаларында нені ұмыт қалдырды.
      Аудио тыңдау
      18/05/2019 02:12 0 618
      8 жылға бас бостандығынан айырылған ғалым ақталып шықты
      8 жылға бас бостандығынан айырылған ғалым ақталып шықты
      8 жылға бас бостандығынан айырылған ғалым ақталып шықты
      Жазықсыз түрмеге жабылған ғалым ол кезде 50 жаста болған.
      Аудио тыңдау
      18/05/2019 23:51 0 227