1-3 қарашаға арналған ауа райы болжамы

Қараша айы жауын-шашынмен басталады, деп хабарлайды Qamshy.kz ақпарат агенттігі РМК "Қазгидрометке" сілтеме жасап.

Күн суытады. Алдағы екі тәулікте солтүстік және орталық облыстарда жауын-шашын және температураның төмендеуін тудырған суық атмосфералық фронт оңтүстік, оңтүстік-шығыс және шығыс облыстардағы ауа райының өзгеруіне ықпал етеді. Аталған аймақтарда жауын-шашын, қар, таулы және тау бөктерінде қар, тұман, көктайғақ және температураның төмендеуі күтіледі.

Республиканың солтүстігінде күн жылы болады, бірақ көп ұзамай күн суытады. Тек республиканың батыс облыстарында жаңбыр жаумайды.