Химиялық қаруға тыйым салу ұйымы Думадағы шабуылға қатысты мәлімдеме жасады

Химиялық қаруға тыйым салу ұйымы дүйсенбіде Дума қаласына жасалған шабуыл жайында қажетті ақпарат жинап жүргенін мәлімдеді.

Деректерге сүйенсек, сенбідегі шабуыл салдарынан ондаған адам көз жұмған. Ұйым басшысы Ахмет Узумку 7 сәуірде Думаға жасалған шабуылға алаңдаушылық білдіріп, улы заттардың жаһандық бақылауға алынғанын мәлімдеді.

Сенбідегі шабуылдың саларынан 60-қа жуық адам қаза болып, мыңдаған адам жараланды. Бұл туралы Сирия медициналық көмек тобы хабарлаған. Медициналық ұйым одағының деректерінде қаза тапқандардың саны артып келе жатқаны айтылған. «Зардап шеккендердің саны артып келеді. Қызметкерлер жүздеген адам тығылып үлгерген жер асты аудандарға кіріп, көмек көрсеткен», - делінген мәлімдемеде.

Сирия оппозициясы Башар Асадтың билік күшін ондаған адамға ажал құштырған химиялық қаруды қолданды деп айыптады. АҚШ президенті Дональд Трамптың мәлімдеуінше, химиялық шабуылға Ресей мен Иранды айыптап, өтемі ауыр болатынын ескертті.