• USD 468.56

  • EUR 497.56

  • RUB 7.3

  • CNY 67.18

28 Наурыз, 22:17:15
Алматы
+35°

25 Мамыр, 2018 Әлем

Украина, Иран, Сенцов: Путин мен Макронның кездесуінде не талқыланды?

Ресейде түрмеде отырған украиналық режиссер Олег Сенцов пен үй қамақта отырған ресейлік режиссер Кирилл Серебрянниковтың ісі сөз болды.

Франция президенті Эммануэль Макрон мен Ресей президенті Владимир Путин Петербург халықаралық экономикалық форумы аясында келіссөздер жүргізді. Кездесу барысында басшылар киберқылмыспен күрес және Украинаның оңтүстік шығысындағы жанжалды реттеу жөніндегі Минск келісімін талқылады.

Бұған қоса Ресейде түрмеде отырған украиналық режиссер Олег Сенцов пен үй қамақта отырған ресейлік режиссер Кирилл Серебрянниковтың ісі сөз болды.

«Келіссөздер барысында біз адам құқықтары жөнінде сөз қозғап, өзекті мәселелерді талқыладыө. Сенцов мырза да бар... Президентке бұл екі мәселенің біздің ел үшін маңызды екенін жеткіздім. Мен бұл мемлекеттің әділет жүйесіне жауап бере алмаймын, бірақ ашық және шынайы диалог өткізуге мүмкіндік  мол», - деді Макрон кездесу аяқталған соң.

Олег Сенцов жайлы сұрақ қойған француз журналисіне Путин жауап берді. Президенттің айтуынша, украиналық режиссер Сенцов «теракт әрекеттерін ұйымдастырмақ» болғаны үшін Ресейде 20 жылға қамалған.

3 сағатқа жуық созылған кездесу барысында АҚШ-тың Иран ядролық келісімінен шығуы сөз болды. Макрон Тегеранның өз міндеттерін келісім аясында орындауы үшін жағдай жасау керек екенін ескертті. Француз басшысының сөзінше, АҚШ тарапынан төнген санкцияларға қарамастан Еуропа елдері Ирандағы компанияларының жұмысын жалғастыру үшін әрекеттенулері керек. Келіссөздегі өзекті тақырыптардың бірі – Сирия. Макрон Сириядағы қақтығысты шешуде өңірлік державалардың бәрі атсалысу керек екенін айтты.

Келіссөздер соңында мемлекеттер арасында ынтымақтастық, серіктестік құжаттарына қол қойылды.  

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір