Уфологтар Марстан «айдаһардың» басын тапты

Ғалымдар Марстан тірі ағзалардың қалдықтарын тапты. Мұны олар 2013 жылы Curiosity ғарыштық зонды түсірген суреттен байқаған. Бұл туралы Qamshy.kz ақпарат агенттігі жазады.

АҚШ уфологтары Қызыл планетада бұрындары нағыз айдаһарлар өмір сүргендігін хабарлады. Зерттеуші Скотт Уоринг жаңа суреттерді қарап отырғанда отпен тыныстаған айдаһардың басын көріп қалған. Фото Марста жүретін құралдың көмегімен жасалған және бұл суреттер NASA-да жарияланды деп жазды «Актуальные новости» сайты.

Уфологтың айтуынша, Марста жүретін құрылғы айдаһардың басына ұқсас тірі жанның маңынан өтіп бара жатқан, өйткені оның ізі көрініп тұр. Дегенмен, NASA бар шындықты әзірше құпия ұстауда.

Уорингтің айтуынша, NASA ғалымдары ғарышта түсірілген кез келген күдікті суреттердің тарап кетпеуін болдырмас үшін бірден өшіріп тастайды. Олар ғарышта не болып жатқандығымен бөлісуді қаламайды.