13 Наурыз, 2018 Экономика
Ұлттық банк үйді 7 проценттік ипотекамен қалай алуға болатынын айтты
Ұлттық банк төрағасының мәліметінше, қарыз алушы төлемге қабілетті болуы шарт.
Ұлттық банк төрағасы Данияр Ақышев үкімет отырысында "7-20-25" бағдарламасы аясында 7 проценттік ипотеканың талаптарын айтты, деп хабарлайды Qamshy.kz ақпарат агенттігі.
Ұлттық банк төрағасының мәліметінше, қарыз алушы төлемге қабілетті болуы шарт.
-Бағдарламаға ресми кірісі бар Қазақстан азаматы қатыса алады. Оның шарттары банктермен талқыланып жатыр. Мәселен, үйдің құны - 7 млн теңге болса, ай сайынғы төлем 50 мың теңге. Бұл жұмыс істейтін көптеген қазақстандық үшін қолайлы. Ірі қалалар мен аймақтар бойынша баспана бағасына дифференциация жасалуы мүмкін, - деді Данияр Ақышев.
Айта кетейік, Нұрсұлтан Назарбаев «7-20-25» бағдарламасын таныстырып, еңбек етуші әр қазақстандық тұрғын үйді жылдық мөлшерлемесі 7 пайыздан аспайтын өсіммен ала алатынын айтқан болатын. Елбасы таныстырған «7-20-25» бағдарламасында қарапайым халыққа қолжетімді бағада үй алу мәселесі қарастырылған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір