Ұлыбританияда дәрігер науқастардың бауырына қолтаңбасын қалдырған

Ұлыбританияда ағза алмастыру операциясы кезінде дәрігер науқастың бауырына лазер арқылы аты-жөнінің бас әріптерін қалдырған  деп жазады Qamshy.kz ақпарат агенттігі life.ru-ға сілтеме жасай отырып.

Бауыр алмастыру операциясы кезінде дәрігер қан тоқтататын арнайы лазер арқылы қос науқастың бауырына өзінің аты-жөнінің бас әріптерін қалдырған. Науқастардың екеуі де ол кезде анестезия әсерінде болған. Қалдырылған қолтаңбалар адам үшін зиянсыз әрі уақыт келе жоғалып кетуі тиіс еді. Алайда бұлай болмаған, науқастар екінші рет тексеруге келгенде шындықтың беті ашылыпты. 

Қазіргі уақытта дәрігерге қатысты сот ісі басталды. Бирмингемдегі сот отырысы кезінде 53 жастағы Саймон Брэмхолл қос жағдайға қатысты өзін кінәлі деп тапты, бірақ жапа шегушінің денесіне зақым келтіріп, жәбір көрсетті деген айыпты мойындаудан бас тартты.

Медициналық қызметкерке қатысты сот үкімі 12 қаңтарда шығады. Тергеу және сот ісі аяқталғанға дейін Брэмхолл кепілмен еркіндікте қалады. Ал ауруханадан ол бұл жайттың беті ашылғаннан кейін дереу қуылды.