ҰБТ-2018. Тесттің алғашқы күні қорытындыланды

Ұлттық тестілеу орталығының басшысы Рамазан Әлімқұловтың айтуынша,  ҰБТ-ның алғашқы күнінде 13 897 мектеп түлегі тест тапсырған. Бұл жайында Qamshy.kz ақпарат агенттігі жазады. 

Кеше тест тапсрыған  13 897 түлектің  15,5 проценті, яғни 2 102 адам шекті ұпайды жинай алмады.

"Енді, тамыз айында олар тестті екінші рет тапсыра алады. Одан да өте алмаса, жоғары оқу орнының ақылы бөліміне қабылдана береді. Бірақ бірінші семестрден кейін, яғни келесі жылдың қаңтар айында тест тапсырып, өз білімін көрсетуі керек", - деді Р.Әлімқұлов Астанада өткен баспасөз мәсиxатында.

Орталық басшысының сөзіне қарағанда, 11 795 мектеп түлегі тестті ойдағыдай тапсырып шықты. Олардың жинаған орташа ұпайы 80,9-ды құрады.