22 Сәуір, 2018 Оқиғалар
Түркияға АҚШ-тан қауіп төніп тұр — Ердоған
Біз АҚШ-тан қару сатып ала алмаймыз. Алайда Америка қару мен оқ-дәрілерді тегін жеткізіп беріп отыр.
Түркия президенті Режеп тайып Ердоған АҚШ-тың әрекетін Түркияға қауіп төндіреді деп бағалады. Бұл жайында Ел президенті NTV арнасына берген сұхбатында хабарлады.
Түркия көшбасшысының айтуынша, АҚШ Сирияға бес мың жүк көлік оқ-дәрі жіберген. Ол жақта Анкара күрдтердің ұлттық қорғаныс әскері мен «Демократиялық одақ» аталатын күрд партиясына қарсы «Зәйтүн бұтағы» операциясын жүргізіп жатыр. Анкара оларды террорист деп санайды.
— Біз АҚШ-тан қару сатып ала алмаймыз. Алайда Америка қару мен оқ-дәрілерді тегін жеткізіп беріп отыр. Бізге қауіп өзіміздің стратегиялық серіктестерімізден төніп тұр, - деп айтып өтті Ердоған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір