Солтүстік Қазақстанда боран кезінде мұғалім жоғалып кетті

СҚО полицейлері із-түзсіз жоғалған 20 жастағы Уалиханов ауданының тұрғынын іздеп жатыр, деп хабарлайды Qamshy.kz ақпарат агенттігі облыстық ІІД баспасөз қызметіне сілтеме жасап.

ІІД, АІІБ, ТЖ, әкімдіктің қызметкерлері кешеден бері 20 жастағы Береке тұрғынын іздеп жатыр.

 «Бейсенбі күні мұғалім 12:30-да мектептен шығып кетіп, үйіне бармаған. Оның жолда адасып жүріп ауылдасының үйіне кіргені белгілі болды. Кейін, боран салдарынан жол көрінбей, белгісіз бағытқа кеткен», - деп пікір білдірді баспасөз қызметіндегілер.

 Бейсенбі күні Береке ауылында қатты жел тұрғаны соншалық, үйлер көрінбеген. Сондай-ақ, жас жігіт жергілікті тұрғын болмай шықты.

АІІБ бастығы полиция подполковнигі Марат Әлжановтың айтуынша, іздеу топтары жұмыс істеп жатыр.