19 Ақпан, 2018 Аймақтар
ШҚО-да «Жарқын болашақ» олимпиадасының облыстық кезеңі басталды
Білім сайысында 7-10 сынып оқушыларының мемлекеттік тілді меңгеру деңгейі мен қазақ халқының әдебиеті, тарихы және салт-дәстүрі бойынша білімдері сыналамақ
ШҚО білім басқармасының облыстық қосымша білім беру және дене шынықтыру орталығы, Семей қаласының «Білім-Инновация» лицейі және Өскемендегі «Нұрорда» мектеп –лицейі бірлесе отырып қазақ тілінен республикалық «Жарқын болашақ» олимпиадасының облыстық кезеңін ұйымдастырды.
- Біз оқушылардың мемлекеттік тілге деген қызығушылығын оятуды көздей отырып, қазақ халқының салт-дәстүрі, әдеби және рухани мұрасын насихаттауды қолға алдық. Мұндай байқаулар арқылы оқушылардың шығармашылық қабілеті мен мәдени көзқарасын дамытуды мақсат тұтып отырмыз,- дейді байқаудың ұйымдастырушылары.
Білім сайысында 7-10 сынып оқушыларының мемлекеттік тілді меңгеру деңгейі мен қазақ халқының әдебиеті, тарихы және салт-дәстүрі бойынша білімдері сыналамақ.
Жыл сайынғы дәстүрлі олимпиада аудандық, облыстық және республикалық кезеңдерден тұрады. Байқауға қатысушылар «Тілші-әдебиетшілер», «Сөз шеберлері», «Әнші бұлбұлдар», «Жас ғалымдар», «Жазушылар» атты бес бағыт бойынша бақ сынайды.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір