Шендінің баласы 8 млн теңге ұрлап тұтылды

Орал қаласының бұрынғы әкім орынбасарының баласы Игорь Дремасов екі банкоматтан 8,2 млн.теңге ұрлаймын деп темір тордан бірақ шықты деп хабарлайды Qamshy.kz ақпарат агенттігі «УН-ға» сүйене отырып. Жергілікті қылмыстық сот Игорь Дремасов пен оның қасында болған Антон Емельянов мен Дмитрий Зайкинді 5 жылға бас бостандығынан айырды. Мән-жайға келер болсақ, 2017 жылдың желтоқсанында Дремасов қасындағы сыбайластарымен азық-түлік дүкеніндегі «Каспи банктің» терминалын бұзып, 5,1 миллион теңгені алып кеткен. Келер жылы ескі жоспарды басшылыққа ала отырып тағы бір терминалға шабуыл жасап, 3,1 миллион теңге жымқырған.

Темір торға тоғытылған үшеу өз кінәларын мойындап, ұрлаған ақшаларын қайтарды.