Сарапшы: Қазақстан әлемде жедел бейімделудің үлгісін көрсетіп отыр

Қазақстан Президенті Нұрсұлтан Назарбаевтың Жолдауында көрсетілген елді дамытудың 10 міндеті - көрегенді қадам болып табылады. Ли Куан Ю атындағы Мемлекеттік саясат мектебінің экс-ректоры Кишор Махбубани осылай деп пікір білдірді, деп хабарлайды Qamshy.kz ақпарат агенттігі Қазакпаратқа сілтеме жасап.

«Әлем тоқтаусыз өзгеріс үстінде және барлық ұлттар осы өзгерістерге бейімделуі керек. Қазақстан Орталық Азия аймағы мен әлемде жедел бейімделудің жарқын үлгісін көрсетіп отыр. Егер барлық мемлекеттер  Қазақстан бастамашыл еткен жаңғыру үлгісіне ден қойса, әлем жақсы жағына өзгере түседі», - деп атап өтті Кишор Махбубани.