РФ СІМ Иманғали Тасмағамбетовті марапаттады

Қазақстанның Ресейдегі елшісі Иманғали Тасмағамбетовті Ресей сыртқы істер министрлігі марапаттады, деп хабарлады Qamshy.kz ақпарат агенттігі РФ СІМ баспасөз қызметіне cілтеме жасай отырып.

11 желтоқсанда РФ СІМ-нің орынбасары Григорий Карасин Иманғали Тасмағамбетовпен кездесу барысында "Халықаралық ынтымақтастыққа қосқан үлесі үшін" төсбелгісімен марапаттады. 

«Ресей Федерациясы сыртқы істер министрінің шешімімен ынтымақтас Қазақстанның елшісі екі ел арасындағы стратегиялық және одақтық қарым-қатынасты дамытуға қосқан үлесі, мәдени диалогты кеңейтуі, сондай-ақ ортақ интеграциялық бірлестіктер аясында өзара ынтымақтастығы үшін осы төсбелгімен марапатталады», — делінген хабарламада.

Айта кететін болсақ, 2017 жылдың 3 ақпанында Иманғали Тасмағамбетов Қазақстанның Ресей Федерациясындағы төтенше әрі өкілетті елшісі болып тағайындалды.