14 Наурыз, 2018 NEWS
Қазақстан мен Қытай бірлесіп Қорғас өзенінде бөгет салады
Қазақстан мен Қытай бірлесіп Қорғас өзенінде сел ұстайтын бөгет салмақ.
Қазақстан мен Қытай бірлесіп Қорғас өзенінде сел ұстайтын бөгет салмақ, деп хабарлайды Qamshy.kz ақпарат агенттігі Sputnik Қазақстан сайтының дерегіне сүйеніп.
Бүгін мәжіліс «Қазақстан Республикасының үкіметі мен Қытай Халық Республикасының үкіметі арасындағы Қорғас өзенінде «Шүкірбұлақ (Алмалы)» бірлескен сел ұстайтын бөгетін салудағы ынтымақтастық туралы келісімді ратификациялау туралы» заң жобасын жұмысқа қабылдады.
«Келісімге сәйкес әр тарап жобаның жалпы құнының елу пайызын мойнына алатын болады. Экология мәселелері және табиғат пайдалану комитеті заң жобасын жұмысқа қабылдап, ол бойынша 2018 жылдың 12 желтоқсанына дейін қорытынды әзірлеуге дайын», — деді мәжілістің жалпы отырысында комитет төрағасы Глеб Щегельский.
Келісімге 2017 жылы 8 маусымда Астанада қол қойылған.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір