Қазақстан гейлері туралы фильм БҰҰ жүлдесін алды

«Қазақстандағы гейлер туралы фильм БҰҰ-ның бірнеше ұйымы ұйымдастырған жастар фильмдері конкурсында бірінші орын алды» деп Qamshy.kz ақпарат агенттігі Азаттық радиосының ресми сайтына сүйеніп жазады.

«Айбек» деп аталатын фильмді қазақстандық жас автор Айша Сәлімгереева түсірген. Нью-Йоркте өткен марапаттау салтанатында Азаттық радиосына сұхбат берген фильм операторы Әлихан Смағұловтың айтуынша, шығармашылық топ фильмде «Қазақстанда гей болудың қандай екенін» көрсетпек болған. Фильмде Қазақстандағы гейлер, олар кезігетін қиындықтар баяндалған. Смағұловтың айтуына қарағанда, фильм бес күнде түсірілген, бірақ фильмде басты рөлді ойнайтын адамды табу қиынға соққан.