Қ. Рысқұлбековтің «Халық Қаһарманы» төсбелгісі Алматы мұражайына берілді

Саяси қуғын- сүргін және ашаршылық құрбандарын еске алу күні 1986 жылғы желтоқсан оқиғасына қатысушы Қайрат Рысқұлбековтың «Халық Қаһарманы» атағының белгісі Алматы мұражайына берілді. Белгіні оның бауыры Талғат Рысқұлбеков тапсырды, деп хабарлайды Qamshy.kz ақпарат агенттігі. 

Қайрат Рысқұлбеков ең жоғары ауыр үкім - өлім жазасына кесіліп, кейін бұл жиырма жыл бас бостандығынан айыруға ауыстырылған болатын. Ол Семейдегі түрмеде, жазасын өтеуге кетіп бара жатқан жолда қаза тапқан. 1992 жылы қайтыс болған соң ақталған. 1996 жылы Қазақстан Президентінің Жарлығымен оған «Халық Қаһарманы» (Халық Батыры) атағы берілді.

Еске салсақ, бүгін  Алматыда 1931-1933 жылдарғы ашаршылық құрбандарының ескерткішіне гүл шоқтарын қою рәсімі өтті, оған қоғам қайраткерлері, репрессия мен ашаршылық құрбандарының ұрпақтары, үкіметтік емес ұйымдар өкілдері және қала жастары қатысты.