Полиция «Алтын Орда» базарынан бомба іздестіріп жатыр

Алматы облысындағы Қарасай ауданындағы «Алтын Орда» базарында бомба қойылғандығы жөнінде белгісіз адам қоңырау шалып хабарлаған. Қазір оқиға орнында өңірдің күштік құрылымдары тексеру жұмыстарын жүргізіп жатыр, деп хабарлайды Qamshy.kz ақпарат агенттігі ҚазАқпарат мәліметіне сүйеніп.

ІІД бұл оқиғаны растады.

—Хабарлама келіп түскенін растаймыз. Қазір оқиға орнында Алматы облысының ІІД полицейлері жəне Қарасай ауданының тәртіп сақшылары, Төтенше жағдайлар қызметкерлері жұмыс істеп жатыр, - деді Алматы облыстық ІІД баспасөз қызметінің өкілі Көбейхан Нұрахметов.

Белгісіз тұрғын сағат 17:35-тер шамасында қоңырау шалған.