Өзбек медбикелері мен өрт сөндірушілері велосипедпен қызмет көрсетпек

Өзбекстанда медбикелер мен өрт сөндірушілер «тиімдірек» қызмет көрсету мақсатында велосипедке мінетін болды, деп жазады Qamshy.kz ақпарат агенттігі. 

Ташкент қаласының денсаулық сақтау мекемесі Vellopatronaj деп аталатын қызмет құрды. Бұл қызмет жергілікті медбикелерге жақын ауылдарда «жоғары сапалы және тез» медициналық қызмет көрсетуге мүмкіндік беретін болады.

Өзбек ұлттық ақпарат агенттігінің хабарлауынша, бұл қызметте «жұмысының өнімділігін арттыру және олардың жұмысын жеңілдету» үшін жергілікті медбикелерге 22 велосипед ұсынылады.

Бұл арқылы агенттік кейбір экономикалық тиімділіктер пайда болатынын және негізгі мотивация «қоғамда өмір сүрудің дұрыс жолдарын насихаттау» екенін айтады.

Сонымен қатар, Өзбестанның батысындағы Уз-Кор химиялық зауытындағы өрт сөндірушілер 105 га (260 акр) кешенді патрульдеу үшін велосипедпен қамтылды.

«Халық Сози» үкіметтік веб-сайты өрт сөндіру қызметіне өрт сөндіргіш, дауыс зорайтқыш, арқан және басқа құралдармен қоса, алғашқы көмек жинағы бар велосипед берілгендігін мәлімдеді.

Лейтенант Сұлтанбек Тәңірбергановтың айтуынша, өрт сөндіру - жаңашылдық үшін пісіп-жетілген аймақ, және ол өрт сөндірушілер шақырылған жерге тез жетуге көмектесетінін атап өтті.

Тәңірбергановтың әріптестері бұрынғыдай төтенше жағдайлар болған жағдайда әдеттегі өрт сөндіргіш транспорттарын қолданады, бірақ велосипедпен жүретін жолдар да қызмет ететін болады.