Оралда қатты аязға байланысты сабақ тоқтатылды

Оралда қатты аязға байланысты 1-4 сыныптар оқушылары үшін сабақ тоқтатылды, деп хабарлайды деп жазады Qamshy.kz ақпарат агенттігі. 

«Қазгидромет» РМК БҚО филиалының мәліметі бойынша температура тілі таңертең 26 градус аязды көрсетті. Соған байланысты БҚО ТЖ департаменті ескерту жариялап, бірінші ауысымда бастауыш сынып оқушылары үшін сабақ болмайтынын ескертті. Айта кетейік, наурыз айы басталғаннан бері өңірде бірде қатты аяз, бірде боран, көктайғақ болып, ауа райы қолайсыз болып тұр.