• USD 468.56

  • EUR 497.56

  • RUB 7.3

  • CNY 67.18

28 Наурыз, 21:00:09
Алматы
+35°

15 Наурыз, 2018 NEWS

Нұрсұлтан Назарбаев: Бәріміз Владимир Путинге жетістік тілейміз

Бұл жолғы кездесу Ресей басшысының қатысуынсыз өтіп жатыр.

Нұрсұлтан Назарбаев Ресейде өтетін президент сайлауына қатысты пікір білдірді, деп хабарлайды Qamshy.kz ақпарат агенттігі.

Елбасы Астанада өтіп жатқан Орталық Азия елдері басшыларының кездесуі Ресей және Қытай сияқты аймақтағы үлкен елдермен қарым-қатынасына әсер етпейтінін айтты.

– Әрине, біз Орта Азия елдері ғана жиналып алып, бұл мәселелердің шешімін тауып отырған жоқпыз. Біздің үлкен көршілеріміз бар, ол – Ресей мен Қытай Халық Республикасы. Бұл елдермен де үлкен қарым-қатынастамыз. Транспорт ісіне Ресеймен тығыз байланыста болсақ, Жібек жолына қатысты Қытаймен бірге жұмыс істеп келеміз. Біз бұл үлкен көршілерімізбен ары қарай да тығыз қарым-қатынаста боламыз, болғымыз да келеді. Баршамыз Ресейдегі сайлаудың жақсы өтуіне тілектеспіз және Владимир Владимирович Путин мырзаға үлкен жетістік тілейміз, - деді Нұрсұлтан Назарбаев.

Айта кетейік, Орталық Азия елдерінің басшылары ТМД, ШЫҰ, ҰҚШҰ, Ислам конференциясы ұйымы, БҰҰ немесе ЕҚЫҰ тәрізді ірі ұйымдар аясында жиналатын, оның бәріне Ресей де қатысатын. Ал бұл жолғы кездесу Ресей басшысының қатысуынсыз өтіп жатыр.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір