Нұрлан Сауранбаев Шымкент қалалық мәслихатының XXIII сессиясына қатысты

Шымкентте Шымкент қалалық мәслихатының кезектен тыс XXIII сессиясы өтті. Депутат Ерболат Нұрмаханов төрағалық еткен сессия жұмысында екі мәселе қаралдыдеп хабарлайды Qamshy.kz ақпарат агенттігі. 

Қала әкімінің орынбасары Гүлжан Құрманбекова 2017-2019 жылдарға арналған Шымкент қаласының бюджетін нақтылау мәселесі бойынша баяндама жасады.

Гүлжан Құрманбекованың айтуынша, қала бюджетінің көлемі 4 млрд 110,8 млн теңгеге ұлғайтылып, жалпы 131 млрд 232,7 млн теңгеге жетіп отыр. Ал аталған өзгерістер тұрақты комиссияларда талқыланған.

Айта кетсек, республикалық бюджеттен бөлінген трансферттер бойынша білім, құрылыс, тұрғын үй-коммуналдық шаруашылық бөлімдеріне, инженерлік-коммуникациялық жобалар бойынша қосымша қаржы қаралуда.

Сондай-ақ, облыстық бюджет трансферттері 408,9 млн теңгеге артқан. Негізінен, тұрғын үй-коммуналдық шаруашылық, жолаушылар көлігі және автомобиль жолдары, білім бөліміне қосымша қаржы қаралып отыр.

Жиында №22 округтен сайланған қалалық мәслихаттың депутаты Рамазан Сейдахметұлы Бектұрғанов тұрақты комиссия мүшелігіне сайланды.  

Сонымен қатар , қала әкімі Нұрлан Сауранбаев мәслихаттың сессиясына алғаш рет қатысты. Жиында сөз алған шаһар басшысы қаланың дамуына  алда бірлесе жұмыс істейтініне сенім білдірді.