Нұрлан Нығматулин Түркия парламентінің спикері Исмаил Кахраманмен кездесті

Санкт-Петербургте Парламентаралық одақтың 137-ші Ассамблеясы аясында Мәжіліс төрағасы Нұрлан Нығматуллин бірқатар екіжақты кездесулер өткізді, деп хабарлайды Qamshy.kz ақпарат агенттігі Мәжіліс баспасөз қызметіне сілтеме жасай отырып.

Нұрлан Нығматулин Түркия Ұлы Ұлттық Жиналысының спикері Исмаил Кахраманмен әңгімелесу барысында парламентаралық ынтымақтастықты нығайту мәселелерін талқылады.

Тараптар түркі тілдес мемлекеттердің Парламенттік Ассамблеясы аясындағы өзара ықпалдастықты күшейтуге назар аударды. Сонымен қатар заманауи жағдайлардағы парламенттік дипломатияның өзектілігін атап өтті.