• USD 468.56

  • EUR 497.56

  • RUB 7.3

  • CNY 67.18

29 Наурыз, 15:33:05
Алматы
+35°

21 Мамыр, 2018 Аймақтар

М.Әуезов атындағы ОҚМУ ректоры тағайындалды

Кездесу барысында тараптар Елбасы міндеттеген жоғары білім берудің сапасы мен қолжетімділігін арттыру жайын, студенттерді жатақханамен қамту мәселесін қозғады

Бүгін Оңтүстік Қазақстан облысының әкімі Жансейіт Түймебаев ҚР Білім және ғылым вице-министрі Талғат Ешенқұлов пен М.Әуезов атындағы Оңтүстік Қазақстан мемлекеттік университетінің ректоры қызметіне жаңадан тағайындалған Дария Қожамжаровамен кездесті. Бұл жайында Qamshy.kz ақпарат агенттігі ОҚО әкімдігінің баспасөз қызметіне сілтеме жасап хабарлайды.

Кездесу барысында тараптар Елбасы міндеттеген жоғары білім берудің сапасы мен қолжетімділігін арттыру жайын және студенттерді жатақханамен қамту мәселесін қозғады.

Осы ретте, аймақ басшысы Елбасы Жолдауындағы жетінші міндетінде білім берудің жаңа сапасына тоқталғанын айтып, осы бағытта өңірде атқарылып жатқан жұмыстарды атап өтті. Сонымен бірге әкім университет ректорына жауапты қызметіндегі жұмысына сәттілік тілеп, бүгінде М.Әуезов атындағы ОҚМУ Қазақстандағы ең үздік деген 20 жоғарғы оқу орындарының ішінде үштікте екенін атап өтті.

Айта кетейік, Дария Пернешқызы ЖОО ректорларын тағайындау жөніндегі республикалық конкурстық комиссияның шешімімен тағайындалды.

Қожамжарова Дария - Тарих ғылымдарының докторы, профессор, Қазақстан Республикасының Ұлттық Ғылым Академиясының академигі. Ол 1962 жылы 22 шілдеде Жамбыл қаласында көпбалалы, қызметкер отбасында дүниеге келген.

1984 жылы С.М.Киров атындағы Қазақ мемлекеттік университетін «Тарих» мамандығы бойынша үздік тәмамдап, еңбек жолын 1984-1989 ж.ж. Жамбыл педагогикалық институтында оқытушы  қызметінен  бастады.  Ал 1990-1995 жылдары Абай атындағы Алматы мемлекеттік университетінің аспиранты, 1995-2001 жылдары М.Х.Дулати атындағы Тараз мемлекеттік университеті «Тарих» кафедрасының доценті, 2001-2003ж.ж. кафедра меңгерушісі, 2003 жылы М.Х.Дулати атындағы Тараз мемлекеттік университеті педагогика факультетінің деканы қызметтерін атқарған. Ал 2013 жылдан бастап Тараз мемлекеттік педагогикалық университетінің ректоры болған.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір