15 Желтоқсан, 2017 Аймақтар
Көкшетауда 8 жастағы қыз өртке оранған үйден балаларды құтқарып қалды
Түн ортасында үй өртеніп кетіп, 8 жастағы қыз балаларды үйден алып шыққан.
Көкшетауда өз інісі мен сіңілісін өртенген үйден алып шығып, құтқарып қалған 8 жастағы қызға алғыс хат табысталды деп хабарлайды Sputnik Қазақстан төтенше жағдай департаментіне сілтеме беріп.
«Көкшетау қаласының Красный Яр ауылының №3 мектебінің 3-сынып оқушысы Ұлдана Дәуірқызы ерлік жасады. 9 қарашада өртке оранған үйдің ішінен өз бауырларын алып шықты. Еш қорықпастан, түтін жайлаған үйге кіріп оларды құтқарған»-делінді ТЖД хабарламасында.
Қайғылы жағдай орын алған күні балалардың анасы жұмысында түнгі кезекшілікке шыққан. Басқа туысқандары да үйде болмаған, түн ортасында үй өртеніп кетіп, 8 жастағы қыз балаларды үйден алып шыққан.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір