• USD 468.56

  • EUR 497.56

  • RUB 7.3

  • CNY 67.18

29 Наурыз, 04:30:48
+35°

11 Мамыр, 2018 NEWS

Дін министрі Ұлыбритания Елшісімен екіжақты әріптестік мәселесін талқылады

Дархан Кәлетаев Ұлыбританияның Қазақстандағы Елшісімен екіжақты әріптестік мәселелерін талқылады

Қазақстан Президентінің діни қызмет саласындағы мемлекеттік саясатты жүргізу, мемлекеттік жастар саясатын іске асыру, сондай-ақ волонтерлермен және үкіметтік емес ұйымдармен өзара іс-қимыл жүргізу жөніндегі тапсырмалары мен бастамаларын жүзеге асыру турасында ҚР Дін істері және азаматтық қоғам министрлігі белсенді жұмыс атқарып келеді.

Бүгін Қазақстан Республикасының Дін істері және азаматтық қоғам министрі Дархан Кәлетаев Ұлыбритания және Солтүстік Ирландия Біріккен Корольдігінің Қазақстан Республикасындағы Төтенше және Өкілетті Елшісі Майкл Джон Гиффордпен кездесті, деп хабарлайды Qamshy.kz ақпарат агенттігі Дін және азаматтық қоғам министрлігінің баспасөз қызметіне сілтеме жасай отырып.

Кездесу барысында дін және азаматтық қоғам саласындағы екіжақты ынтымақтастықтың жай-күйі, сондай-ақ, Вульф институты делегациясының Қазақстанға сапарын ұйымдастыру мәселелері талқыланды. Бұл институт иудейлер, христиандар және мұсылмандар арасындағы қарым-қатынасты академиялық зерттеумен айналысатын  әлемдік көшбасшы ұйымдардың қататына кіреді.

Дін министрі

Ағымдағы жылдың мамыр айының соңына қарай аталған делегацияның сапары аясында бірқатар іс-шаралар өткізу жоспарланған, атап айтқанда, министрлікте кездесу өткізу, діни ғимараттарды аралау, сондай-ақ Мәдениеттер мен діндердің халықаралық орталығы және «Вульф» институты арасындағы ынтымақтастық туралы меморандумға қол қойылады деп күтілуде.

Әңгімелесу кезінде Дархан Кәлетаев Қазақстан Республикасы мен Ұлыбритания Біріккен Корольдігінің арасында тығыз және сенімді қарым-қатынас қалыптасқанын атап өтті.

Д. Кәлетаев еліміздегі азаматтық қоғам институттарын дамыту барысымен таныстырып, мемлекет пен дін арасындағы өзара іс-қимыл моделін қалыптастырудағы шараларды баяндады. Атап айтқанда,  министр 2017-2020 жылдарға арналған дін саласындағы мемлекеттік саясаттың тұжырымдамасы қабылданғанын, оның негізінде дін саласындағы заңнамаға өзгетулер енгізу бойынша құжаттар пакеті әзірленгенін атап өтті.

Кездесу соңында тараптар дін және азаматтық қоғам саласындағы өзара іс-қимыл жөнінде сындарлы ынтымақтастықты дамытуға қызығушылық білдірді.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір