Демалыс күндеріне арналған ауа райы болжамы

18-20 қараша аралығы демалыс күндеріне арналған ауа райы болжамын Qamshy.kz ақпарат агенттігі Қазгидромет мәліметіне сүйеніп хабарлайды.

Қазақстанға Атлантикадан үлкен ылғал қорымен ауа массалары жылжыйды, сондықтан демалыс күндері республиканың басым облыстарында кей жерлерде сулы қар, көктайғақ, тұман және күшті соқпалы жел күтіледі.

Алайда батыстық тропосфералық ағындар біртіндеп оңтүстік-батысқа ауысатын болады және Қазақстанға Ираннан жылы ауа массалары түсе бастайды. Сондықтан жауын-шашындарға қарамастан, республиканың батыс бөлігінде ауа температурасы 4-8 ºС және шығысында 2..5ºС нормадан жоғары болып сақталады.