• USD 468.56

  • EUR 497.56

  • RUB 7.3

  • CNY 67.18

29 Наурыз, 08:49:01
Алматы
+35°

26 Мамыр, 2018 NEWS

Бишімбаевтың ісі бойынша сотталғандардың жазасы жеңілдетілді

Коллегия қылмыстық іс бойынша төрт айыпталушының жазасын жеңілдетті.

25 мамырда қазылар алқасы сотталушылардың апелляциялық шағымы бойынша шешім шығарды, - деп хабарлайды Tengrinews.kz.

Коллегия қылмыстық іс бойынша төрт айыпталушының жазасын жеңілдетті. Олардың қатарында экс-министр Қуандық Бишімбаевтың немере ағасы, пара алды деп айыпталып, жеті жылға сотталған Сұлтан Нұрлыбек бар.

"Нұрлыбекке ҚР ҚК 366-бабы 4-бөлігі, 28-бабы 5-бөлігі бойынша тағылған жазаға ҚР ҚК 55-бабы 4-бөлігі қолданыла отырып, бас бостандығынан айыру мерзімі бес жылға дейін төмендетілсін. (...) 2016 жылы 13 желтоқсанда қабылданған "Тәуелсіздіктің 25 жылдығына орай рақымшылық жасау туралы" Қазақстан Республикасының заңы негізінде Ибрашевке, Исабекке, Қожабаевқа кесілген жаза төрттен бір бөлікке қысқартылсын. Ибрашевке - 3 жылға бас бостандығынан айыру, Исабек, Қожабаевқа әрқайсысына бір жыл алты айдан бас бостандығынан айыру жазасы тағайындалсын", - деді алқа төрайымы Алма Есімова.

Айта кетейік, Бишімбаевқа қатысты шыққан сот үкімі өзгеріссіз қалған болатын.

Биыл 14 наурызда Қуандық Бишімбаев 10 жылға сотталған еді. "10 жылға бас бостандығынан және өмір бойына мемлекеттік қызметтерде басшы лауазымдарында жұмыс істеу құқығынан айырылсын. Жазасын максималды қауіпсіз мекемеде өтесін, сондай-ақ, мүлкі тәркіленсін", - деп оқыған еді үкімді судья Әділхан Шайхисламов.  

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір