Әйелдер үшін әлемдегі ең қауіпсіз қала белгілі болды

Thomson Reuters Foundation  қайырымдылық ұйымы әйелдер үшін қауіпсіз елдер тізімін жариялаған. Бұл туралы Qamshy.kz ақпарат агенттігі BBC-ге сілтеме беріп хабарлайды.

Әлемдегі ең қауіпті қалалар тізімін бастап тұрған Каир қаласы. Ал Мәскеу болса, керісінше бұл тізімнің соңына жайғасып,  ең қауіпсіз қала атанған. Аталған рейтинг сарапшылардың сауалнамасына негізделіп жасалған. Қалаларды бағалау кезінде сексуалды зомбылық, медициналық қызметтер мен экономикалық мүмкіндіктер, оның ішінде білім алуға мүмкіндіктер және т.б критерийлер есепке алынған. Сонымен бірге түрлі  салт-дәстүрлер  мен қыздарды еркінен тыс күйеуге беру, қыздарды сүндеттеу сынды жоралар мен сенімдердің таралу мәселесі де қарастырылған.

Ұлыбритания астанасы Лондон да әйелдер үшін қауіпсіз қалалардың тізімінде денсаулық сақтау мен экономикалық мүмкіндіктер критерилері бойынша бірінші орынға шыққан.