Автобус өртеніп қайтыс болған 52 өзбекстандыққа 52 ағаш отырғызылды

Қазақстандағы Өзбекстан Республикасының Елшілігі мен астаналық «Алтын Орда» бизнес-клубы Ақтөбе апатында мерт болған 52 өзбекстандықтың рухына бағыштап, 52 жеміс ағашын отырғызды. Бұл туралы Қазақпарат хабарлады.

Шара аясында елорданың жаңа «Ботаникалық бағына» 42 алма және 10 шетен ағашы отырғызылды.

«Алтын Орда» бизнес-клубының төрағасы мархабат Балғабайдың айтуынша, акцияның Рамазан айында ұйымдастырылуы тегін емес. Идея негізінде ежелгі мұсылман дәстүрі – жария-садақа жатқан көрінеді.

«Күзгі уақытта піскен жемістерді халық жинап алады, сауабы Ақтөбеде мерт болған өзбекстандық жолаушыларға беріледі деп үміттенеміз», - деді Мархабат Балғабай.

Айта кетейік, биыл қаңтарда «Самара-Шымкент» автожолында автобус өртеніп, 52 өзбекстандық тірідей жанып кеткен. Тірі қалған үш жүргізуші мен екі жолаушы санавиациямен облыс орталығына жеткізіліп, оқиғаға қатысты жауап алынды. Нәтижесінде автобус жүргізушілері күдікке ілініп, 24 наурызға дейін қамауға алынған. Кейін Ақтөбенің №2 қалалық соты санкция уақытын тағы бір айға ұзартты.