16 Ақпан, 2018 Әдебиет
Алматым, адыра боп барасың-ау
Ару едің Алматым алабөтен, Алаяққа болдың-ау қала-мекен
Тағдыр шығар бұл мүмкін, кінәламан,
Сен емессің, кінәлі– мына заман
«Сәруарым, Алматым, ару әнім!»,–
Сені ойласам кей-кейде жылап алам.
Көрген жанның көңілі аспандаған,
Сен ең көкке ән мен гүл шашқан қалам.
Әніңде–әр, гүліңде–нәр қалмаған
Сен болдың-ау у мен зәр басқан қалам.
Мұқағали, Жұмекен жаны күпті
Жырмен талқан қып еді тағылықты
Айтыскер боп әләулей өлең жазған
Жағымпазбен құлқын-құл бәрі мықты
Аңдушы көп аузымды ашқанымды
Шалушы көп әр қадам басқанымды,
Құланиек ақ таңға мініп кеп ем
Күтіп жүрмін азалы ақшамымды
Бір ғасырды он жылда Ол аттады»-деп,
Даңғой елдің мейрамы, мақтаны көп.
«Қазағым!»-деп ту ұстап туғандардың
Тірісінен Кеңсайда жатқаны көп
Ұясынан безінген құстан жаман
Ұрпағың бар ата-салт ұстанбаған
Жымысқы көз, жылтыр сөз, жағымпаз жұрт,
Бай-бағланы жәдігөй мыстан қалам.
Әкіміңді мақтаған жабыла кеп,
Ақсақалдың сөзінде мағына жоқ.
Гүл-бағыңа көккөздер ит сигізген
Барасың-ау Алматым адыра боп.
Ару едің Алматым алабөтен,
Алаяққа болдың-ау қала-мекен
Тексізі – үстем, тектісі – қор бұл елде
Қиялдың да қанаты талады екен
Тағдыр шығар бұл мүмкін, кінәламан,
Сен емессің, кінәлі– мына заман
«Сәруарым, Алматым, ару әнім!»,–
Сені ойласам кей-кейде жылап алам.
Көрген жанның көңілі аспандаған,
Сен ең көкке ән мен гүл шашқан қалам.
Әніңде–әр, гүліңде–нәр қалмаған
Сен болдың-ау у мен зәр басқан қалам.
Мұқағали, Жұмекен жаны күпті
Жырмен талқан қып еді тағылықты
Айтыскер боп әләулей өлең жазған
Жағымпазбен құлқын-құл бәрі мықты
Аңдушы көп аузымды ашқанымды
Шалушы көп әр қадам басқанымды,
Құланиек ақ таңға мініп кеп ем
Күтіп жүрмін азалы ақшамымды
Бір ғасырды он жылда Ол аттады»-деп,
Даңғой елдің мейрамы, мақтаны көп.
«Қазағым!»-деп ту ұстап туғандардың
Тірісінен Кеңсайда жатқаны көп
Ұясынан безінген құстан жаман
Ұрпағың бар ата-салт ұстанбаған
Жымысқы көз, жылтыр сөз, жағымпаз жұрт,
Бай-бағланы жәдігөй мыстан қалам.
Әкіміңді мақтаған жабыла кеп,
Ақсақалдың сөзінде мағына жоқ.
Гүл-бағыңа көккөздер ит сигізген
Барасың-ау Алматым адыра боп.
Ару едің Алматым алабөтен,
Алаяққа болдың-ау қала-мекен
Тексізі – үстем, тектісі – қор бұл елде
Қиялдың да қанаты талады екен
12.03.2017
Мырзан КЕНЖЕБАЙ
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір