Алматы қаласы әкімдігінің ұйымдастырумен тегін сырғанау алаңы ашылады

Алматыда Тұңғыш Президенті саябағының алдында 850 шаршы метрлік жаңа мұз айдыны салынуда . Ол алматылықтар мен қала қонақтары үшін тәулік бойы тегін жұмыс істейді деп xабарлайды Qamshy.kz ақпарат агенттігі  ақпараттық және спорттық xабқа сілтеме жасай отырып.

Бұл жобаның ұйымдастырушысы Алматы қаласының әкімдігі.

Қазіргі уақытта, мұз айдында құрылыс жұмыстары жүргізілуде, жақында оның салтанатты ашылу рәсімі өтеді. Айта кетсек, мұндай алаңдар қарашаның соңына дейін Жібек жолы - Абылай хан, Әл Фараби - Ремизовка, Жандосов - Шаймерденова көшелерінің қиылысында, «Март» сауда орталығының жанында және Жетісу ауданы әкімдігінің маңында ашылады. Осы туралы мұз айдындардың құрылысымен айналысатын Aksays Arena компаниясының жетекшісі Мұxамеджан Өсер айтты.

«Ашық мұз айдынын жасау 10 күндей уақытты қажет етеді. Барлық қалаушылардың кез келген уақытта өз конькилерімен келіп, тегін сырғанауға мүмкіндіктері бар. Сондай-ақ, 10.00-23.00 уақыт аралығында келушілер үшін тамақтану дүкендері, конькилерді жалға алу орталықтары жұмыс істейді. Олардың бағасы да қолжетімді болады. Басқа мұз айдындарымен салыстырғанда конькиді 2 сағатқа жалға алу 500-600 теңгеден аспайды. Қазір мұздатқыш құрылғыларды күтудеміз, оны іске қосқан соң мұздатуды бастаймыз»,- деді Мұхамеджан Өсер.

Оның айтуынша, бұл мұз айдындары жаппай сырғанауға, шорт-трек, коньки тебу, мәнерлеп сырғанау сияқты қысқы спорт түрлерін қала тұрғындары арасында дамытуға бағытталған. Тегін сырғанау алаңдары қыс мезгілінің соңына дейін істейді.