Әлемдегі ең бай адам ғарыш туризміне инвестиция құюға дайын

Amazon.com жүйесінің негізін қалаушы Джефф Безос ғарышты зерттеуге миллиардтаған доллар жұмсауға ниетті екенін мәлімдеді.

Нью-Йоркте өткен Базз Олдрин премиясын табыстау рәсімінде миллиардер өз байлығын «лотереялық жеңіс» деп санайтынын, сол себепті ғарышқа ұшып келуді адамдар үшін қолжетімді ету мақсатында ақша құю заңды деп есептейтінін айтты.

Джефф Безос ғарышты зерттеуге қандай мөлшерде қаржы жұмсайтынын айтпады. Алайда досы анасын бағуға қажетті соманы қалдырып, қалғанын зерттеу жұмыстарына жұмсайтынын айтып қалды.

 Бұдан бұрын кәсіпкер Blue Origin ғарыш кемесінің құрылысына миллиард доллар көлемінде инвестиция құйған. Биыл Безос байлығы жағынан  Microsoft-тың негізін қалаған Билл Гейтсті қуып жетіп, әлемдегі ең бай адамдардың көшін бастады.